Saladi ya viazi na njegere

Chukua sufuria kubwa. Weka kwenye hilo sufuria viazi mviringo pamoja na maji, kisha chemsha kwenye jiko lenye moto wa wastani kwa muda wa dakika 15, au hadi utakapo ona vimeiva.

Epua na umwage maji yote yaliyomo kwenye sufuria na kubakiwa na viazi peke yake, kisha acha vipoe.

Menya maganda ya viazi hivyo, kisha vikate katika vipande vidogo vidogo.

Chukua sufuria jingine kubwa. Weka kwenye hilo sufuria viazi vitamu pamoja na maji, kisha chemsha kwenye jiko lenye moto wa wastani kwa muda wa dakika 15, au hadi utakapo ona vimeiva.

Epua na umwage maji yote yaliyomo kwenye sufuria na kubakiwa na viazi peke yake, kisha acha vipoe.

Menya maganda ya viazi hivyo, kisha vikate katika vipande vidogo vidogo.

Chukua kikaango kikubwa chenye mafuta ya kupikia na ukiweke kwenye jiko lenye moto wa wastani, kisha acha mafuta yapate moto. Weka kwenye hicho kikaango, viazi mviringo pamoja na viazi vitamu ulivyo vichemsha, kisha kaanga huku ukivigeuza mara kwa mara kwa muda wa dakika 7, au hadi utakapo ona vimebadilika rangi na kuwa na rangi ya kahawia. Ondoa viazi hivyo kwenye kikaango na uviweke pembeni kwenye sahani, kisha acha vipoe.

Weka njegere kwenye kikaango hicho hicho, kisha kaanga huku ukikoroga mara kwa mara kwa muda wa dakika 4, au hadi utakapo ona zimeanza kubadilika rangi na kuwa na rangi ya kahawia.

Weka mchanganyiko wa viazi mviringo na viazi vitamu ulivyo vikaanga, Tamarind Paste, chumvi, Chaat Masala, pamoja na majani ya giligilani, halafu kaanga huku ukivigeuza viazi mara kwa mara kwa muda wa dakika 2, kisha epua na uweke pembeni kwenye chombo safi.

Nyunyizia vitunguu maji, kisha changanya vizuri, tayari kwa kula.